Martha Taumata Faavae.
O le masina o Aukuso o le a amata maua ai e tagata uma i Samoa faamanuiaga ta’i $50 pei ona folafolaina e le Malo i lana stimulus package po’o le fesosoani lona 2 I tulaga fa’aletonu o le tamaoaiga ona ole fa’amaa’i ole kovaiti-19.
O le tufatufaga o lea seleni e alu atu faatasi male tusigaigoa mo pepa ID poo le National ID cards e fa’afoe e le Ofisa o Faamaumauga.
Taua e le Pule Sili o le Ofisa o Fuainumera Faamauina , Aliimuamua Malaefono Taua, e ono vaiaso e faagasolo ai lenei galuega tele.
E 20 vaega taitasi o le a faatinoina lenei galuega, ma e 5 teams o le a galulue i Savaii, male 15 i Upolu nei, ona o le tulaga e toatele atu tagata i Upolu nai lo Savaii.
E silia male 400 le aufaigaluega mai le Ofisa o Fuiainumera faamauina , lea ua maea ona vaevaeina i vaega galulue e 20.
O aso lava e oo atu ai le Ofisa i lou maota poo lou laoa o le a mafai ona tuuina atu le $50 mai lava i le pepe seia oo i le tagata matua o le aiga.
Oloo iai le faamoemoega atoa lava o le Ofisa ina ia uma ane le 4 vaiaso, ua ausia le 89% o le aofa’i o tagata Samoa.
O le Pepa ID ose tapenaga aua le faafaigofieina ona tamau faamaumauga sa’o atoatoa male moni o soo se tasi ise ID e tasi, e mafai ona faamaonia ai totonu ose faletupe, falema’i, a’oa’oga aemaise o taimi e faigamalaga ai.
Oloo iai le Komiti Faapitoa mo le tatou Pepa ID oloo mata’ituina le aoina mai o faamaumauga sa’o male moni mole fuafuaga mamao a le Malo, e aofia ai le Matagaluega MESC, MOH, Ministry of Women, OEC, MPMC, Ministry of Revenue , Central Bank, Finance, MCIT male Statistics.