Martha Taumata Faavae.
Ua le faataunuuina le faauuga masani a Faifeau Samoa a le Ekalesia EFKS lea e masani ona faatino i le Aso Toonai muamua o lana fonotaga i Malua.
Faamaonia mai lea tulaga e le Failautusi Aoao o le Ekalesia EFKS, Rev Vavatau Taufao ise faatalatalanoaga male Nusipepa o le Newsline i le telefoni.
Taua e Rev Vavatau, ua le taunuu ona o lea e leo faia se fonotele a le Ekalesia i Malua.
“O le faauuga e ese le taua ona o lea ua faauuina uma ai tofiga fa’afaifeau o i latou sa avea ma a’oa’o mo le 2 tausaga i tua, aofia ai le atinae eseese a le Ekalesia sa serve ai, faatasi ai ma nuu sa tausi nuu ai, male malo.
“O lea fa’auuga ua faauuina ai ou tofi ua le toe taua ose aoao ae ua avea ose faifeau ua mafai ona ia faatino soo se sauniga a le Ekalesia, e aofia ai faamanatuga, maliu, faaipoipoga, ma isi sauniga e auai atu iai.”
Taua Rev Vavatau ua maea ona pasia e le Komiti o le Au Toeaaina i lana fonotaga ia Mati le lisi oi latou uma e mafai ona faauuina.
E lei faaamaonia mai e Vavau le lisi ona sa ia taua e nate le’i tilotilo ise aofaiga o le lisi, ae na taua ese tasi o sui sinia i totonu o le Ekalesia, e silia male 10 aoao ma o latou faletua o le a faauuina, e aofia ai Savaii, Upolu ma atunuu i fafo.
Oloo matautuina pea e le Ekalesia le tulaga o le faamai, ma e ono iai sesi fuafuaga a le Ekalesia ise taimi , e fua lava le faamai, ae mo le taimi nei ua le faataunuuina.