Ua amata malie pea ona lagona le si’uleo i tapenga mo le faiga palota tele ile 2021, i se suiga i pulega fa’aupufai i Samoa mai le Vaega e Puipuia Aia Tatau o le HRPP.
O lenei lagona o lo’o leo tele ai manatu fa’aalia a i latou o lo’o aumau i fafo atu o Samoa ua umi ona iai le HRPP.
Peita’i e le auai le taofi ole ali’i faipule po’o le Minisita Lagolago o Feso’otaiga ia Lealailepule Rimoni Aiafi.
O le 3 lenei o nofoaiga soso’o a le faipule ole itumalo Faleata i Sisifo. O ana nofoaiga muamua e 2 sa avea ai ma sui o le vaega a le itu agai o le Tautua Samoa.
O le faigapalota tele o le 2016 na tula’i ai o se sui o le HRPP mo ile nofoaiga lea e fa’amae’a ile 2021.
O sana fa’atusatusa o se faipule sa ile itu agai ma lona iai nei ile malo, e tu’ulafoa’i le si’uleo mo se suiga o pulega ale HRPP.
Na fa’amanino e Lealailepule ile Newsline Samoa le eseesega o ituaiga pulega fa’atemokalasi a malo o le lalolagi, e pei o Iapani sa taitaia e se vaega fa’aupufai e tasi mo le umi e 50 tausaga .
O le aotelega lenei o lona taofi i pulega fa’atemokalasi a Samoa I lea talanoaga.
could hardly hear what he was saying