FA’ASALALAUGA FA’AILOA : O le a fata ia i mauga o ao ma le atu folasa ou pa’ia sausaugatā Samoa. O oe o le ao mamala.
Ae matou te faatulou atu. Tulou, tulou, tulouna lava.
Aua o lea o le a sosopo le manuvale i le fogatia. Ae magalo ia so matou leo ona o lo outou finagalo malamalama.
Atonu e le’o toe po se lilo i le misa a tama aoga i le vaiaso ua te’a nei i le va o Kolisi i Apia lea na aafia ai le Kolisi o Sagato Iosefo.
O le mea moni, ua lagona le māasiasi ona ua ta’u leagaina le igoa o le a’oga. Ae ui o lea, matou te fia fa’aaogaina lenei avanoa e momoli atu ai vaimalu i pu’ega ona o amio le taupulea ua fa’atino e nisi o le fanau a’oga i nofoaga faitele ua afaina ma faamanu’aina ai nisi.
A’o faagasolo su’esu’ega i lenei mataupu, e ao pea ona faailoa atu e le Pulega, le Aiga Felela, ma le Aiga Faiaoga e lē toe talia so’o se tama aoga e faamaonia le faatupu vevesi i nofoaga faitele.
Fai mai e poto le tautai ae le atoa atu i le liu o lona va’a. Samoa e, e faapena se lagona o le Fono Faatonu e Pulea Aoga a Felela Malisi. O le sese a nisi o le fanau aoga, o le sasi fo’i lena a le Pulega, le Fono Faatonu, faapea matua. O lea matou te faamalulu atu ai i finagalo ua a’afia ma lagalagā ona o lenei mataupu.
Matua e, o le tagi lava a le pūmate, se’i toe silasila ane i alo ma fanau. E manaomia la outou lagolago i le tatou galuega faifa’atasi.
O le matou tatalo, ia pa’i atu le Agaga o le Atua i finagalo ua mafatia, ina ia maua le filemu o le Alii ma le loto fa’amagalo. Manuia tele lau tapua’iga Samoa.
Soifua,
PULEGA MA LE FONO FAATONU E PULEA AOGA A FELELA MALISI
_____________________________________________________________________________
St Joseph’s College, Alafua
MEDIA RELEASE : St Joseph’s College was involved early last week in a fight in Apia town with another school.
The College’s Board, Principal and staff humbly apologise to Samoa and the parents and supporters of the College about the College’s involvement with the brawl. Violence is never condoned and is contrary to the Marist Spirit and Christian principles taught at the College.
All we ask for is for calm and understanding as Police and the schools involved conduct their investigations and hold to account those who are behind the brawl. We also ask the media for balance reporting.
Preliminary investigations show the fight to have been started by students of another school. Irrespective of who started the fight, the unfortunate resulting melee is not an excuse nor a reflection of what St Joseph’s College and Marist tradition represent.
Please rest assured that the Governance Board and St Joseph’s College Principal and staff are doing their best to achieve reconciliation and re-affirm the Marist Spirit so that all students are safe.
MARIST BROTHERS SCHOOL GOVERNANCE BOARD