FESOASOANI MO LE TOE FAALELEIA MA FAAOLAINA O PISINISI UA A’AFIA ONA O LE FAAMAI O LE KOVITI19
VALAAU LUA MO TALOSAGA
TAIALA MO LE FESOASOANI A LE MALO O SAMOA
1. Autu ole fesoasoani
O le faamoemoe lenei a le Malo, o se fesoasoani faanonogatupe e faamatuu atu ina ia toe faaleleia ma toe faaola pisinisi sa a’afia ona o le faamai o le Kovit19, ma ole a faatinoina e le
Faletupe o Atinae. O le naunautaiga ia tuuina atu le fesoasoani mo pisinisi sa faagaioia (operational) ae lei aafia Samoa ile koviti19 seia oomai ile taimi nei. E tatala aloaia ai le ‘valaau mo talosaga’ mo pisinisi e faamalieina aiaiga o lenei fesoasoani a le Malo. O le tau aofai ole nonogatupe e agavaa ai se pisinisi e $100,000. O le numera o pisinisi o le a agavaa i lenei fesoasoani muamua e 50.
Ua faia lenei valaau lua ona ona e lei maua le numera moomia i talosaga sa faamalieina aiaiga o talosaga i le valaau muamua
2. Aiaiga ma agavaa ole fesoaosani
O lenei fesoasoani a le Malo e agavaa iai pisinisi sa faagaioia (operational) ae lei aafia Samoa ile koviti19 seia oomai ile taimi nei. E tatau ona faamatala manino lelei aafiaga o le pisinisi ma ia taulimaina pepa o faamatalaga e faamaonia nei aafiaga e lagolagoina ai le agavaa o le talosaga.
Aiaiga e tatau ona faamalieina e se pisinisi ina ia agavaa ai ile fesoasoani :
(i) Tatala i pisinisi sa faagaioia ma faamaonia sa aafia ae lei oomai le koviti19 i Samoa seia oomai ile taimi nei;
(ii) Sa lesitala faapisinisi ile Matagaluega o Tupe Maua mai ile tausaga 2019 seia oomai ile tausaga 2022;
(iii) O le pisinisi e puleaina e tagatanuu Samoa;
(iv) Sa faafaigaluegaina ni tagata faigaluega e le laititi ifo ile 10 ae lei aafia Samoa ile koviti19;
(v) Pisinisi ua faamaonia e lelei faamaumauga ile totogiina o nonogatupe ile Faletupe o Atinae ma isi faletupe;
(vi) Faamatalaga e atagia ma faamautinoa mai ai le naunautaiga e toe faaola ma faaleleia le pisinisi e siitia ai tupe maua mo le gafataulimaina o le pisinisi ma le totogiina ole nonogatupe;
(vii) Ia iai se saofaga (equity) a le pisinisi ile tau aofai o galuega e toe faalelei ma siitia ai le tulaga ole pisinisi (cash or in-kind];
(viii) E le faatagaina le refinancing o nonogatupe mai i isi faletupe;
(ix) Isi faamatalaga/aiaiga e moomia e le Faletupe o Atinae e tusa ai ma faiga faavae o nonogatupe.
3. Manaoga o faapisinisi e mafai ona agavaa ile fesoasoani
- Faatauina o meatotino e faaleleia ai le pisinisi
- Galuega moomia e toe faalelei ai fale ma isi meatotino
- Totogi ole aufaigaluega
- Isi manaoga e faamaonia e le Faletupe o Atinae
- E tatau ona tuuina mai faamatalaga e faamanino ai le faaogaina ile fesoasoani
4. Tuuina mai o talosaga mo le fesoasoani
O pepa o talosaga mo le fesoasoani o le mafai ona taulimaina ile Ofisa ole Faletupe o Atinae e pei ona tuuina atu.
Mo Upolu, faafesootai mai Afoa Aiufi Kelekolio ile telefoni 22861 ext 211 poo le imeli aiufis@dbsamoa.ws ma Goretti Fau ile telefoni 22861 ext 207 poo le imeli gorettif@dbsamoa.ws ile Ofisa Tutotonu ole Faletupe i Savalalo.
Mo Savaii, faafesootai mai Migao Tiotio Fanene ile telefoni 51350 poo le imeli migaot@dbsamoa.ws ma Tasia Taii ile telefoni 51350 poo le imeli tasiat@dbsamoa.ws ile Ofisa i Salelologa, ile Fale/Maketi a le Samoa Land Corporation.
E agavaa i latou sa le faamalieina talosaga muamua e toe talosaga mai I lenei valaau lona lua.
O talosaga mo le fesoasoani ia tuuina mai ile:
Pule Sili
Faletupe o Atinae o Samoa
Savalalo
APIA
O le a tapunia le taulimaina o talosaga ile Aso Faraile, 18 Novema 2022 ile itula e 5.00pm. Mo Savaii, e mafai ona momoli ifo le talosaga ile Ofisa i Salelologa.
Mo le silafia e le aufaipisinisi, o talosaga e taulimaina ae lei faamalieina vaega uma moomia pe taulimaina ae ua maea le taimi faatapulaa o le’a le faaogaina.
Faafetai
PULEGA