Martha Taumata Faavae.
Ole aso 9 o le masina nei lea e atoa iai le iupeli Siliva ole Kolisi o Amoa ile Faasaleleaga i Savaii.
Ole Kolisi o Amoa na faatuina ile 1971 ina ia vavae ese mai le Kolisi o Mataaevave i Iva Faasaleleaga lava ma faatuina ai loa le Amoa intermediate School ile 1971 ile afioaga o Saipipi i totonu ole itumalo o Amoa ma faaigoa ai ole Amoa Intermediate School.
Taua e le pule aoga ole Kolisi o Amoa le susuga ia Sau Salaivao Talagafa Itamua , ua atoa le 50 tausaga talu ona faavae le aoga .
Ole talaaga atoa ole aoga e faamoemoe ole a mafai ona tolaulauina i le aso o lea faamoemoe.
Ole polokalame mo le faamoemoe e amata mai le 7am le solo tele le malae kirikiti Saipipi . Ole 8am sauniga lotu ona sosoo ai lea ma sina tala puupuu le talaaga ole laumua. Ole 9am ole a faapaiaina ai le keke ple 50 tausaga ona sosoo lea ma faafiafiaga ma viiviiga ole laumua. Ole 11 ple a faasolo ai soa a tausaga taitasi e faaali ai lou alofa i lou laumua. Ole 12 le taumafataga ma faamavae ai.
Taua e se tasi o sui tausaga faavae ole Kolisi o lea ua toe faiaoga ai foi le Kolisi o Amoa e oo mai le taimi nei le susuga ia Komisi Saufatu , o latou sa amata mai lava ile year 9 ile 1971.
Faaiuina le aoga ole 1977 ona malaga atu lea i le aoga faafaiaoga i Apia.
Talu mai lava ina iu le aoga mai le aoga faafaiaoga o lau galuega lava lea sa iai ole faiaoga i Amoa pei ona silia male 40 tausaga le olaga galue.
Taua e le uluai headgirl ole aoga a Amoa Fetu Valeni , oloo avea o ia ma faiaoga i le Kolisi o Mataaevave taimi nei.
E toatolu faiaoga sa latou amatalia le aoga pei ona iai le susuga ia Iiga Foa o Lano , Elenise Mapo Sapapalii male pule aoga ia Sakaria Leilua e sau mai Salailua
Oute faafetai ise aoga sa ou aoga ai , sa maua le avanoa oute alu ai aoga faafaiaoga lea ua ou iu manuia ai.
Taua e le pule aoga e valaauina le atunuu atoa o tama fanau sa aoaoina aemaise le itumalo i matua uo ma ana paaga masani.
E silia male 300 le aofai o alo ma.fanau oloo aoaoina ile Kolisi ile taimi nei.